| Last day @ MIC 响呢個dept做咗兩年半有多, 前後搞過好幾個farewell, 小美, Rachel, Nic... 今次到我係主角... 要離開呢度, 真係百感交集... 又開心又唔開心, 又捨得又唔捨得... 但我相信我哋呢段友誼一定可以keep到的~ 初初返工, 仲係呢個dept最冇生氣嘅時候, 記得老細介紹啲同事嗰陣, 指住nor哥話: 呢個就係Norman哥哥喇, 你有咩唔明就問佢啦~ 而nor哥就只係尷尬咁笑一笑, 點吓頭, 又繼續埋頭做嘢... 我當時就諗, 點解呢個lab好似冇個後生些少嘅同事咁嘅~ 阿唓話nor哥係mic嘅好好先生, 咁同呢個partner又有冇偈傾呢? 見到嗰陣時嘅乳娘, 已經算係最後生嘅一個, 但係一樣好靜, 好少講嘢, 印象中佢只係會定時睇報紙囉~ 我唔算係個好active嘅人, 但受人影響, 我都算係外向咗~ 不過頭一個月我都好靜... 因為個個都好以好認真好正經咁, 做嘢就唔講嘢... 到小美加入, 我終於有返個啱傾嘅對象, 雖然佢就粗魯咗少少... 仲有Panda, 佢好鍾意黐住啲女仔, 同埋八人啲嘢, 扮晒有人緣咁... 我同小美好多時都一齊搭車, 沿途有傾有講, 大家都覺得乳娘超靜, 同佢講嘢好難多過3句... 跟住娜姐返返嚟做, 佢俾我好開心嘅感覺, 尤其係啲笑聲~ 佢係羽毛球會會長, 聽佢講佢同老公啲嘢就最搞笑... 記得被甘生話我唔做嘢, 要nor哥做晒, 搞到佢要遲走... 覺得唔開心同無奈... 明白到個lab係佢管而唔老細, 好怪... 幾個月後傑叔又加入, 因為佢講嘢嘅語氣同佢嘅閱歷, 我同小美稱佢為阿叔輩~ 佢好細心, 好識take care人, 教曉我好多嘢... 無論响身型同性格上都俾人穩重嘅感覺~ 仲記得佢搞結婚嗰陣, 我日日都諗個問題問佢, 煩到佢死~ 大頭蝦Fonie, 係一個成日話自己大個但其實仲好小妹妹feel嘅女仔~ 最鍾意靚仔... 不過我知佢其實好聰明同好識諗嘅~ 到Tobi喇, 因為係小美嘅fd, 好快就同我哋熟絡, 眼大大, 身型嬌小, 又係個好開心嘅人~ 經常都聽到佢好"豪氣" 嘅笑聲... 我哋最積極搞gathering~ Rachel又係低b一族, 開頭以為佢好靜, 點知熟咗之後發現佢其實係傻嘅, 似我~ 似香港人多過似法國人嘅Vivienne, 我哋有好多方面都好相似, 所以好投契, 而且因為一次發脾氣事件, 令我哋更加fd~ 阿貓雖然响度好耐, 但都係近一年先熟啲, 超貪玩, 又闊綽, 成日俾人笑佢肥同個髪型... 係佢我先知道dept咁多內幕嘢~ 似張立基嘅Angus, 睇股市嘅時間仲多過做嘢, 但就好"腍", 成日俾我哋點佢做嘢同請食嘢~ 之前佢屋企有事嗰陣個樣幾頹, 好彩而家開朗返~ Teny識得最短時間, 但都一樣咁玩得, 睇戲, 打機, 睇漫畫, 整嘢食... 樣樣精~ 仲有金玉娟, 好勤力嘅phD學生, 但遇上個唔好嘅老細... 就係我哋呢班嘩鬼, 搞到個lab同網吧超嘈, 帶來生氣... 同投訴... 成功改造咗nor哥同乳娘, 佢哋而家識串人啦, 整蠱人啦~ 大家好似一家人咁, 好close, 一齊排擠一啲唔鍾意嘅人, 好好玩~ 可以响呢度渡過兩年幾充滿歡笑嘅光陰, 真係好幸福... 人哋話人愈大愈難識到真正嘅朋友, 而我可以一路遇上一啲好nice, 對我好好嘅人, 係我嘅幸運, 係一種blessing, 我會好好珍惜~ 你哋送嘅禮物, 我全部都好鍾意, 一齊玩嘅片段都深刻記得~ 嗰張咭我由收到到搭車都唔敢睇, 因為我知道一睇就會喊, 驚控制唔到自己... 有好多嘢想講, 但又唔知講咩... 希望遲啲各散東西, 都可以keep in touch~ Love you all~  |
我相信仲會學到好多嘢, 我會努力的~~
中間仲打埋nds添~ 一路睇住啲performer 採排, 見到佢哋响邊度出場, 有啲咩動作~ 因為佢哋未著costume, 做起啲動作上嚟感覺怪怪地...
隻隻都好得意, 佢哋好"倫盡", 上落樓梯都要人扶架~ 不過溜起冰上嚟都ok, 高難度動作就做唔到架喇...
返到屋企仲發覺有啲甩皮添... 呢啲咪就係愛靚唔愛命囉~